Сузиш. Самарқандда бўладиган Осиё чемпионатининг медаллари тақдим этилди (ФОТО)

Жорий йил 22-24 сентябрь кунлари кўҳна ва ҳамиша навқирон Самарқанд шаҳрида сузиш бўйича 10-бор ташкил этилаётган Осиё чемпионати баҳслари ўтказилади. Бу ҳақда Спортни ривожлантириш вазирлиги матбуот хизмати хабар тарқатмоқда.

Осиё сузиш федерацияси шафелигида ўтказиладиган мазкур нуфузли мусобақада қитъанинг кўплаб номдор спортчилари совринли ўринлар учун кураш олиб боришади. Айни пайтга келиб ташкилотчилар томонидан тайёргарлик ишларининг сўнгги босқичи олиб борилмоқда.

Жумладан, Осиё чемпионатининг совриндорлари учун бериладиган медаллар ҳам тайёрлаб қўйилди.

Медалнинг олд томонида Осиё чемпионатининг логотипи берилган. Медалнинг орқа томонида эса дунёга машҳур Регистон майдони берилган бўлиб, Осиё сузиш федерацияси номланишининг қисқартмаси ҳамда қитъа чемпионати ўтказиладиган сана берилган.