Таэквондочимиз жаҳон чемпионатини ғалаба билан бошлади

Буюк Британиянинг Манчестер шаҳрида таэквондо бўйича жаҳон чемпионатининг биринчи кун беллашувлари бўлиб ўтмоқда. Бироз аввал ушбу кун доирасида юртимиз шарафини ҳимоя қиладиган вакилимиз Суҳроб Бобобеков (-58 кг) биринчи жангини ўтказди.

Эстониялик Александр Галактионовга қарши баҳс олиб борган юртдошимиз 24:5 ҳисобида ғалаба қозониб, иккинчи босқич йўлланмасини қўлга киритди. Шу ўринда мусобақа давомида иштирок этадиган бошқа таэквондочиларимизга ҳам мана шундай муваффақиятли юришлар тилаб қоламиз, дея хабар бермоқда МОҚ.