Таиланд CAFA турнирида иштирок этмаслиги мумкин. Сабаби...

Ўзбекистонлик таниқли футбол мутахассиси Алишер Никимбаев Таиланд терма жамоаси Марказий Осиё чемпионатида иштирок этиш таклифини рад этиши мумкинлиги ҳақида ёзди.

"Жанубий-Шарқий Осиё ОАВларининг ёзишича, Таиланд футбол ассоциацияси ҳақиқатан ҳам CAFA чемпионатида иштирок этиш учун таклиф олган, бироқ катта эҳтимол билан иштирок этиш харажатлари жуда юқори бўлгани учун улар бу таклифни рад этишлари кутилмоқда.

Журналистларнинг фикрича, Таиланд терма жамоаси CAFA аъзоси бўлмагани сабабли турнирдаги иштироки учун барча харажатларини ўзи тўлаши керак бўлади. Таиланд жамоаси эса бундай харажатларга тайёр эмас", - деб ёзади А. Никимбаев ўзининг телеграм саҳифасида.

Эслати бўтамиз, бундан аввалроқ Таиланд терма жамоаси таклифни рад этса,  унинг ўрнини Хитой терма жамоаси эгаллаши мумкинлиги ҳақида хабар берилган эди.