Таиландда теннис гўзаллари рақобатлашмоқда
Таиландда ўтаётган хотин-қизлар ўртасидаги “World Tennis Thailand Championship – 2017” кўргазмали теннис мусобақасида руминиялик Симона Халеп, британиялик Йоханна Конта, чехиялик Каролина Плишкова ҳамда латвиялик Елена Остапенко ўзаро баҳслашмоқда.
Мусобақанинг илк учрашуви Симона ва Йоханна ўртасида бўлиб ўтди. Унда дунёнинг биринчи рақамли теннисчиси Симона Халеп рақибини ҳар иккала сетда 6:3 ҳисобида мағлубиятга учратди. Шу тариқа руминиялик теннисчи ўзаро ўйинлардаги ҳисобни тенглаштирди – 3:3.
Иккинчи учрашувда эса Каролина Плишкова 6:1, 6:4 ҳисобида Елена Остапенкодан устун келди.
Фикрлар