Тарихий натижа қайд этган мураббий терма жамоадан кетди

Жанубий Африка футбол ассоциацияси (SAFA) бельгиялик мутахассис Уго Брооснинг миллий жамоа бош мураббийлиги лавозимини тарк этганини маълум қилди.

- Биз бир лаҳза тўхтаб, Жанубий Африка футболи учун қилган барча хизматларингиз учун сизга чуқур ва самимий миннатдорлик билдирамиз, — дейилади SAFA баёнотида.

Уго Броос 2021 йилдан буён ЮАР терма жамоасига раҳбарлик қилиб келаётган эди. Унинг қўл остида жамоа тарихида илк бор 2026 йилги жаҳон чемпионати плей-офф босқичига чиқди. 1/16 финалда ЮАР Канадага 0:1 ҳисобида мағлуб бўлди. 74 ёшли мутахассис жаҳон чемпионатлари плей-офф босқичида ишлаган энг кекса мураббий сифатида тарихга кирди.

Шунингдек, Броос бошчилигида ЖАР 2023 йилги Африка миллатлар кубогида бронза медалларини қўлга киритган эди.

Тажрибали мутахассис бундан олдин «Моленбек», «Брюгге», «Мускрон», «Андерлехт», «Генк» ва «Зюлте-Варегем» каби Бельгия клубларида ишлаган. Шунингдек, у Грециянинг «Пансерраикос», Туркиянинг «Трабзонспор», Жазоирнинг «Кабилия» жамоалари ҳамда Камерун терма жамоасини ҳам бошқарган.