Тайсон Фьюри: "Усик билан жангимдан бир кун олдин фарзандимдан айрилгандим"

Британиялик боксчи Тайсон Фьюри украиналик Александр Усикка қарши жангдан бир кун олдин оиласида юз берган фожиа ҳақида гапириб ўтди.

"Аёлим 6 ойлик ҳомиладор эди. Афсуски, фарзандимиз бу дунёни кўрмасданоқ ўлиб бўлганди. Энди аёлим аллақачон вафот этган чақалоқни дунёга келтириши қолганди, холос. Айнан шу ҳолат мен Усик билан жанг қилиш учун Саудияга кетганимда содир бўлди. Хотиним бир кун олдин менга телефон қилиб, аренага кела олмаслигини хабар берди. Ундан нима бўлганини сўраб ўтирмадим, чунки барчасини сезиб турардим", - деди Фьюри.

Эслатиб ўтамиз, 18 май куни ўтказилган Тайсон Фьюри ва Александр Усик жангида украиналик боксчи очколар бўйича ғалаб қозонганди.