Тчуаменига АПЛ грандлари қизиқмоқда, аммо "Реал" уни қўйиб юбормоқчи эмас

Франция терма жамоаси ва "Реал" ярим ҳимоячиси Орельен Тчуамени фаолиятини Англияда давом эттириш имкониятига эга.

Манбага кўра, 26 ёшли таянч ярим ҳимоячига Англия Премьер-лигасининг икки топ клуби — "Ливерпуль" ва "Манчестер Юнайтед" жиддий қизиқиш билдирмоқда. Ҳар икки жамоа футболчига йиллик 12 миллион евро маош таклиф қилишга тайёр.

Бироқ "Реал" ўзининг асосий футболчиларидан бири бўлган Тчуамени билан хайрлашишни режалаштирмаяпти. Футболчининг ўзи ҳам Мадридни тарк этишни истамаяпти.

Жорий мавсумда франциялик ярим ҳимоячи "қаймоқранглилар" сафида 41 та учрашувда иштирок этиб, 2 та гол урди ва 2 та голли узатма амалга оширди.