Tebas Xabi Alonsoning "Real"ga qaytishi haqida: "Bu yaxshi qaror, men xursandman"

La Liga prezidenti Xaver Tebas Xabi Alonsoning "Real Madrid" bosh murabbiyligiga tayinlanishi mumkinligi borasida o‘z fikrlarini bildirdi.

— "Real" buni o‘zi uchun eng to‘g‘ri qaror deb hisoblamoqda va men Xabi Alonso uchun xursandman. U ispan futboliga, o‘zining sevimli jamoasiga qaytayapti. Menimcha, bu yaxshi qaror.

Menga yoqadi: chempionatimizga hozirda Evropada va dunyoda eng zo‘rlardan biri sanaladigan futbolchilar va murabbiylar kelishi. Xabi Alonso — aynan shunday shaxs. "Bayer" bilan "Bavariya"ga raqobatda chempionlikni qo‘lga kiritish — oson ish emas, – deya gapirib o‘tdi La Liga prezidenti.

Eslatib o‘tamiz, "qirollik klubi"ni boshqarib kelayotgan Karlo Anchelotti yozda jamoani tark etib, Braziliyani boshqarish ehtimoli yuqori. Uning o‘rniga esa "qaymoqranglilar"ni Xabi Alonso boshqarishi kutilmoqda.