Тедеско қўл остида мағлубиятга учрамай келаётган Бельгия Словакияга қарши!

Жаҳон чемпионатида Марокашга мағлуб бўлиб, кейинги турда Хорватияга қарши ўйинда дуранг ўйнаган Бельгия турнирни тарк этган. Шундан кейин Роберто Мартинес истеъфога чиқади ва унинг ўрнига Доменико Тедеско келди. Шундан бери жамоа мағлубият нималигини билмай келмоқда. Бугун эса бельгиялик мутахассис термадаги илк йирик турнир ўйинини ўтказади. 

Бельгия

Бельгия 20 очко билан Эвро-2024 саралаш гуруҳида биринчи ўринни эгаллади ва кетма-кет олти марта йирик турнир учун саралаш босқичида биринчи ўринни қўлга киритди. Жамоа, шунингдек, саралаш ўйинларидаги мағлубиятсиз сериясини (Жаҳон чемпионати ва Евро) давом эттирди. 38 ёшли Тедесконинг йирик турнирда Белгия терма жамоасининг энг ёш мураббийи бўлади ва Жек Батлернинг 1938 йилги жаҳон чемпионатидаги рекордини янгилайди (43 ёш).

Ромелу Лукаку "Рома" таркибида 47 ўйинда 21 та гол уриб, ажойиб мавсум ўтказди. 31 ёшли страйкер Белгия терма жамоасининг йирик турнирлардаги энг яхши тўпурари бўлиб, 22 ўйинда 11 марта рақиблар дарвозасини ишғол қилди. Бу турнир Ромелунинг сўнгги Евроларидан бири бўлиши мумкин, чунки кейинги чемпионатгача ҳужумчи 35 ёшда бўлади. Кевин де Брюйне ҳам Лукаку сингари охирги бор катта турнирларда майдонга тушаётган бўлса, ажаб эмас. 

Словакия

Бу Словакиянинг тўртинчи йирик турнири ҳисобланади. Аммо жамоанинг ёмон тарихига бор. Улардан бири словакияликларнинг сўнгги икки Евронинг энг кўп гол ўтказиб юборганидир. Шу билан бирга, улар ҳали 1/8 босқичидан ўта олмаган, лекин саралаш босқичида Словакияни фақатгина Португалия таслим қилди. Шунингдек, сўнгги иккита ўртоқлик учрашувида 8 та гол уриб, икки ғалаба билан Еврога етиб келмоқда. Бу эса Калзона шогирдларининг кайфияти яхши эканлигини билдиради. 

Ўзаро ўйинлар тарихи

Бу икки жамоа шу пайтгача турнирларда умуман тўқнаш келмаган. Фақатгина 2013 йилда ўртоқлик ўйини бўлиб ўтган ва унда Бельгия 2:1 ҳисобида зафар қучган. 

Тахминий таркиблар

Бельгия: Кастельс, Фас, Витсел, Де Кайпер, Кастьян, Мангала, Онана, Доку, Троссард, Лукаку, Де Брюйне

Словакия: Дубравка, Пекарик, Вавро, Шкриньяр, Ханко, Лоботка, Дуда, Шранз, Боженик, Хараслин