Текинга келсин! “Барса” Левандовски ўрнига супертўпурарни чақирди

Испаниянинг амалдаги чемпиони “Барселона” ёзги трансферлар олдидан жамоага жалб қилинадиган янги ижрочилар рўйхатини шакллантириб бормоқда. 

Ханс-Дитер Флик ҳужум чизиғида ҳам ўзгариш қилишга бел боғлаган. Скаутлар 37 ёшли Роберт Левандовски ўрнини боса оладиган номзод топиб қўйди. 

Каталонияликлар “Ювентус”дан кетиш бўйича бир қарорга келиб бўлган Душан Влаховичга жиддий қизиқиш билдирмоқда. Marca нашри хабар беришича, “Барселона”нинг асосий мақсади кўп гол ура оладиган форвардни имкон қадар бепул қўлга киритишдан иборат. 

Бироқ каталонияликлар ишни ёзга – Влахович эркин агентга айланадиган пайтга қолдирмай, январда ҳам якунига етказиб қўйишга уриниб кўради. Ана шу мақсадда улар “Ювентус”ни арзон нарх ёки ҳужумчини ярим йил олдин шартномани бекор қилган ҳолда қўйиб юборишга кўндирмоқчи бўляпти.