Temurxo‘ja Abduxoliqov muxlislarga murojaat qildi

"Bunyodkor" jamoasiga qaytgan tajribali hujumchi Temurxo‘ja Abduxoliqov o‘z fikrlari bilan o‘rtoqlashdi.

"Avvalo, “Bunyodkor”ga taklif qilishgani va jamoaga qo‘shilganimdan xursand ekanligimni aytmoqchiman. Jamoaga yordam berish uchun bor imkoniyatim va kuchimni ishga solaman.

“Bunyodkor” sovrinli o‘rinlarni egallashi, avvalgi mavqeini va tarixini tiklashi uchun butun jamoa bo‘lib mehnat qilamiz. Muxlislardan bizni doimo qo‘llab-quvvatlab turishlarini so‘rab qolamiz", - dedi Abduxoliqov.