Тен Хаг эҳтиёт бўлиши керак!

Нидерландия терма жамоасининг собиқ ҳужумчиси Марко ван Бастен юртдоши Вегхорстнинг "Манчестер Юнайтед" жамоасига ўтиши ҳақида гапирди.
"Агар сизда нидерландияликлар жуда кўп бўлса ва улар яхши ўйнамаса, вазият хавфли бўлиши мумкин. Буни "Барселона"да Нидерландиядан беш нафар футболчи борлиги мисолида кўриш мумкин. Тен Хаг бундан эҳтиёт бўлиши керак.

Менда Вегхорст борасида шубҳалар бор. Люк де Йонгга қаранг - иккинчи қаватда ажойиб ўйнайдиган ҳақиқий ҳужумчи. Менимча Ваут бу жиҳатдан кучли эмас. Тўғри, футболчи боши билан гол уриши мумкин, бироқ у ўзининг босими, кучи туфайли кўпроқ ҳаракат қилади", - дейди "учар голландлар" собиқ футболчиси "Ziggo Sport " нашрига берган интервьюсида.

Эслатиб ўтамиз, "қизил иблислар" Вегхорст трансфери бўйича оғзаки равишда келишиб олди. "Бешиктош" ҳужумчининг ўрнига ўринбосар топганидан сўнг уни қўйиб юборади.