Тен Хаг: "Жамоамнинг ўйинидан роҳатландим"

"Манчестер Юнайтед" Премьер-лига доирасида бўлиб ўтган "Челси"га қарши баҳсда оғриқли мағлубиятни қабул қилиб олди. Ўйиндан кейин Эрик тен Хаг журналистларнинг саволларига жавоб берди. 

"Биз учрашувни ёмон бошладик. Аммо яхши ўйнаганимиз, назоратни ўз қўлимизга олганимизни кўрдинглар. Ғалабага ҳақли эдик. Зарбалар? Бу кулгили. Гол урилганидан кейин ҳамма бир-бирига айбдор сифатида қарамоқда, яхши ҳимоя, яхши дарвозабонимиз бор. Шундай экан бу борада мен ҳеч нарса қила олмайман (манчестерликлар сўнгги ўйинларда жуда кўп зарба ўтказиб юбормоқда. Савол айнан шу ҳақида эди). Менга энг кўп ёқмаган нарса индивидуал хатоларни кўплиги, бироқ устунлик биз томонда бўлганини сездим. Нейтрал мухлислар учун ажойиб баҳс бўлди. Жамоамнинг ўйинидан завқ олдим", - деди нидерландиялик мутахассис. 

"Манчестер Юнайтед" мазкур мағлубиятдан кейин "Тоттенхэм"га етиб олиш имкониятни камайтириб юборди. Клублар орасидаги фарқ 9 очкони ташкил қилмоқда.