Тен Хаг "Манчестер Юнайтед"нинг асосий трансфер мақсади нима эканини айтди

"Манчестер Юнайтед" бош мураббийи Эрик тен Хаг "қизил иблислар"нинг ёзги трансфер ойнасидаги режалари ҳақида гапирди.

“Марказий ҳужумчи билан шартнома имзолаш устувор вазифа бўладими? Ҳа, менимча, ҳамма буни тушуниб турибди. Бизда ушбу позицияда камчиликлар борлиги сир эмас. Бу позицияда бошқа ўйинчилардан ҳам фойдаланишим мумкин, аммо соф ҳужумчи қўшишимиз керак. Бизга ўйинга ҳақиқатан ҳам таъсир кўрсатадиган ижрочилар керак”, - деди нидерландиялик мутахассис Daily Mirror нашрига берган интервьюсида.

"Манчестер Юнайтед"нинг асосий трансфер мақсадларидан бири "Наполи"нинг нигериялик ҳужумчиси Виктор Осимхен ҳисобланади.