Тен Хаг: "Турнирда ғалаба қозониш ҳар бир футболчи учун муҳим"

"Манчестер Юнайтед" бош мураббийи Эрик тен Хаг Англия кубоги финалида "Манчестер Сити"га қарши бўлиб ўтадиган учрашув ҳақида гапирди.

"Биз барча совринларни қўлга киритишни хоҳлаётганимизни аллақачон айтгандим. Биттасида ғалаба қозона олдик, энди эса иккинчисига интиламиз. Лойиҳа яратяпмиз, икки-уч йил ҳақида гапиряпмиз. Турнирда ғалаба қозониш ҳар бир футболчи учун муҳим. Ҳозирги "Манчестер Юнайтед"да бу турнирда ғалаба қозонган футболчилар унчалик кўп эмас", - дея нидерландиялик мутахассиснинг сўзларидан иқтибос келтиради "Manchester Evening News".

Эслатиб ўтамиз, Англия кубогининг финал ўйини 3 июнь куни бўлиб ўтади.