Теннис. Дунёнинг 1-рақамли ракеткаси Australian Open да иштирок этмайди

Дунёнинг биринчи рақамли теннисчиси Карлос Алькарас Австралия очиқ чемпионатида иштирок этмайди. Бу ҳақда спортчининг ўзи ижтимоий тармоқлардаги саҳифаси орқали маълум қилди.

“Мавсумга тайёргарлик жараёнида ғайритабиий ҳаракатлар туфайли жароҳат олдим. Бу сафар ўнг оёқдан.

Мен Австралияда энг яхши даражамга эришиш учун жуда кўп меҳнат қилдим, лекин афсуски, Койонгдаги турнирда ва Australian Open’да ўйнай олмайман. Бу қийин, лекин мен оптимист бўлиб, соғайиб, олға интилишим керак. 2024 йилда кўришгунча, Australian Open”, — деб ёзади испаниялик теннисчи.