Tennischilarimiz kelgusi haftada Andijonga yo‘l olishadi

Joriy yilning 22-28 aprel kunlari Andijon shahrida Xalqaro tennis federatsiyasi musobaqalar taqvimidan joy olgan nufuzli musobaqa o‘tkaziladi.

Sovrin jamg‘armasi 25 ming AQSh dollarini tashkil etuvchi mazkur turnir O‘zbekiton jismoniy tarbiya va sport vazirligi hamda mamlakatimiz tennis federatsiyasi bilan birga tashkillashtirilmoqda.

Erkaklar va ayollar o‘rtasida o‘tadigan musobaqada mamlakatimiz sharafini Xumoyun Sultonov, Sanjar Fayziev, Sergey Fomin, Nigina Abduraimova, Yasmina Karimjonova,  Sevil Yo‘ldosheva kabi tajribali tennischilar bilan birga yigirmaga yaqin yosh sportchilar himoya qiladi.