Теренс Кроуфорд P4P рейтингидаги ўрнидан норози!
Ярим ўрта ва биринчи ярим ўрта вазн тоифаларида собиқ мутлақ жаҳон чемпиони Теренс Кроуфорд нуфузли "The Ring" журнали талқинига кўра, вазн тоифасидан қатъи назар, дунёнинг энг яхши боксчилари рейтингида учинчи ўринни эгаллаб турганидан норозилигини билдирди.
"Мен учинчи ўриндаман?! Ким бундай қилди? Мен улар билан жиддий гаплашиб олишим керак. Биринчи ўриндаги Алекскандр Усикка эътирозим йўқ. Бироқ мен, Наоя Иноуэдан юқорироқда бўлишим керак. Ундан анча кучлиман" - дея америкаликнинг сўзларини келтирди "SecondsOut".
Эслатиб ўтамиз, Кроуфорд 2024 йилнинг 3 август куни боксчимиз Исроил Мадримовга қарши рингга кўтарилиб, якунда очколар эвазига ғалаба қозонганди.
Фикрлар