Терма жамоа дарвозабони ўйин вақти ҳушидан кетди

Судан терма жамоаси дарвозабони Монгед Эльниль Африка Миллатлар кубогининг 2-туридан ўрин олган Экваториал Гвинея терма жамоасига қарши баҳс вақтида ҳушидан кетиб қолди.

Дарвозабон учрашувнинг 37-дақиқасида ўз жарима майдончаси чегараси ёнида ерга йиқилди. Бу пайтда ўйин майдоннинг иккинчи ярмида давом этаётган эди.

Бош ҳакам зудлик билан ўйинни тўхтатди, тиббий ходимлар ёрдам кўрсатиш учун майдонга чиқди. Бир муддатдан кейин ўзига келган дарвозабон ўйинни давом эттиришга қодир бўлди ва жамоасининг 1:0 ҳисобидаги ғалабасига ҳисса қўшди.

Судан терма жамоаси тиббиёт штаби вакилларининг сўзларига кўра, Мангеднинг ҳушини йўқотишига қон босимининг ёки қондаги шакар миқдорининг қисқа муддатли пасайиши сабаб бўлган. Яширин жиддий касаллик аломатлари аниқланмаган.

Икки турдан сўнг “E” гуруҳида Судан терма жамоаси уч очко жамғариб, турнир жадвалида учинчи ўринни эгаллаб турибди. Экваториал Гвинея терма жамоаси эса очкосиз қолган ҳолда тўртинчи ўринда жойлашган.