Terma jamoamiz saralash bahslari oldidan Tojikistonga qarshi ikkinchi o‘rtoqlik o‘yinini o‘tkazadi

Osiyo kubogi-2026 saralash bahslariga tayyorgarlik ko‘rayotgan O‘zbekiston futzal milliy terma jamoasi ertaga Toshkent Axborot Texnologiyalari Universiteti sport zalida Tojikiston milliy terma jamoasiga qarshi ikkinchi xalqaro o‘rtoqlik uchrashuvini o‘tkazadi.

Mazkur jamoalarning yakshanba kuni bo‘lib o‘tgan dastlabki bahsida Nodir Eliboev shogirdlari yirik - 8:1 hisobida g‘alaba qozongan edi.

Shu o‘rinda eslatib o‘tmoqchimiz, 2026-yilgi Osiyo Kubogi bahslariga Indoneziya poytaxti Jakarta shahri mezbonlik qiladi. Final bosqichi bahslari 14 — 31 may sanalarida bo‘lib o‘tadi. Saralash o‘yinlari esa joriy yilning sentyabr oyida bo‘lib o‘tishi rejalashtirilgan.