Тезкор: Файзуллаев Жуд Беллингем билан бирга жаҳоннинг энг зўр ёш ўйинчиси совринига даъвогар!

Халқаро футбол тарихи ва статистикаси федерацияси – IFFHS 2023 йилнинг турли номинациялари бўйича ғолибликка даъвогарлар рўйхатини эълон қилди.

Бу ташкилот 1987 йилдан бери бутун дунё бўйлаб йилнинг энг яхши футболчисини аниқлаш мақсадида сўровнома ташкил қилиб келади.

Ушбу сўровномаларда  120 мамлакатнинг IFFHS ташкилотига аъзо бўлган журналистлари ва футбол экспертлари қатнашади.

IFFHS ўз талқини бўйича 20 ёшгача бўлган футболчилар орасида “2023 йилнинг энг яхши ёш футболчиси” номинацияси бўйича ғолибликка даъвогар бўлган 26 нафар ўйинчи рўйхатини эълон қилди.

Унга кўра, Аббосбек Файзуллаев ушбу нуфузли индивидуал совринга даъвогарлик қилади.

Умумий рўйхат қуйидагича:

Жуд Беллингхэм,  Англия,  Боруссия Дортмунд/Реал Мадрид 

Жамол Мусиала, Германия, Бавария Мюнхен                                             

Гави, Испания, Барселона                                                     

Флориан Виртц , Германия, Байер Леверкузен                                              

Хави Симонс,   Нидерландия  ПСВ/РБ Лейпциг                                           

Эван Фергюсон, Ирландия Республикаси,  Брайтон                              

Расмус Хойлунд,  Дания, Аталанта/Манчестер Юнайтед                        

Ламин Ямал, Испания, Барселона                                                     

Уоррен Заир-Эмери,  Франция, Пари Сен-Жермен                                     

Матис Тель, Франция, Бавария Мюнхен                                             

Алехандро Бальде, Испания, Барселона                                                     

Ромео Лавия, Бельгия, Саутгемптон/ Челси                                   

Антониу Силва, Португалия, Бенфика                                                          

Леви Кольвил, Англия,  Брайтон

Бенжамин Шешко, Словения, Рел Булл Зальцбург/РБ Лейпциг                                                                          

Витор Роке , Бразилия, Атлетико Паранаэнсе                                                     

Алехандро Гарначо, Аргентина, Манчестер Юнайтед                                       

Эндрик, Бразилия, Палмейрас                                                      

Хулио Энсизо, Парагвай,  Брайтон

Савио, Бразилия,  ПСВ/Жирона                                                   

Рикардо Пепи, АҚШ, Гронинген/ПСВ                                            

Усмон Диоманд, Фил суяги қирғоғи, Спортинг Лиссабон                                             

Карлос Балеба, Камерун, Лилль/Брайтон

Эрнест Нуама,  Гана, Нордшелланд/Лион                                       

Карим Конате, Фил суяги қирғоғи,  Лиферинг/ Ред Булл Зальцбург

Аббосбек Файзуллаев, Ўзбекистон, Пахтакор/ЦСКА Москва    

Кўриниб турибдики, бу рўйхатдан Жуд Беллингем, Жамол Мусиала,Гави, Ламин Ямал, Уоррон Заир-Эмери,  Алехандро Балде, Эван Фергюсон, Расмус Хойлунд каби Европанинг гранд клубларида тўп тепаётган юлдуз ўйинчилар кўп.

Аббосбек Файзуллаев энг зўр ёш футболчилар рўйхатига киритилган ягона осиёлик футботболчи ҳисобланади.

20 ёшли футболчимизнинг бу рейтингдан ўрин олиши бежиз эмас, албатта. Файзуллаев 2023 йил давомида 20 ёшгача бўлган футболчилар иштирокида Тошкентда ўтказилган Осиё чемпионатида ғолиб чиқди ва бу турнирнинг энг яхши ўйинчиси бўлди.

Бундан ташқари, терма жамоамиз Аргентинада ташкил этилган ёшлар ўртасидаги жаҳон чемпионатида ҳам муваффақиятли қатнашди ва Файзуллаев жамоамизнинг етакчи ўйинчиси сифатида ўз маҳоратини намойиш қилди.

Номинация ғолиблари 2024 йилнинг 1 январь куни аниқланади