Тезкор: “Ливерпуль” Арне Слотни бугуноқ ҳайдаши кутиляпти

Англиянинг амалдаги чемпиони “Ливерпуль” Европа Чемпионлар лигаси умумий босқичининг бешинчи турида шўз мухлислари кўз ўнгида Нидерландиянинг ПСВ жамоасига 1:4 ҳисобида ютқазиб қўйди.

Барча турнирларни қўшиб ҳисоблаганда, ливерпулликлар қаторасига учинчи учрашувни йирик ҳисобда бой берди.  Бу ҳолат клуб хўжайинларини жумбушга келтирди.

Бугун кечгача клуб раҳбариятининг навдатдан ташқари тезкор йиғилиши ўтказилади ва унда вужуга келган муаммолар таҳлил қилинади. Кўриб чиқаладиган масалалар орасида Арне Слотни истеъфога чиқариш варианти ҳам бор.

 Аввалроқ, клуб хўжайинлари Арне Слотга вазиятни ўнглаш учун вақт беришга қарор қилган эди. Бироқ, бир неча манбалар юзага келган ҳолат туфайли раҳбарияти кескин чоралар кўришга тайёр эканини таъкидламоқда.

“Ливерпуль” мутасаддилари Арне Слот бош мураббий сифатида жамоа етакчиларининг ишончини йўқотган ва бу аҳволда вазиятни ўнглаб бўлмайди, деган қарорга келгани айтилмоқда.