Тезкор! "Нефтчи" "Навбаҳор" аъзосини ўз сафига қўшиб олиши мумкин

Айни дамда эркин агент бўлиб турган "Навбаҳор" ярим ҳимоячиси Аброр Исмоиловнинг кейинги манзили барча учун қизиқ. SPORTS.uz журналисти Яҳёхўжа Улуғхўжаев бу ҳақида ўз телеграм каналида қуйидагича хабар қолдирди.

"Айни дамда Аброр Исмоилов учун кураш авжида. Ярим ҳимоячи учун "Нефтчи" таклиф билан чиққан.

"Навбаҳор" хам уни олиб қолиш учун қўлидан келган барча ишни қилмоқда. Қўшимчасига, футболчида хориждан ҳам таклифлар бор. Барчаси, Аброрнинг сўраётган маошига бориб тақалмоқда. Бу суммани "Нефтчи" тўллашга тайёр.

"Навбаҳор" яримҳимоячини маошини пасайтиришини сўраган. Барчаси, Аброрнинг сўнгги қарорига боғлиқ", - дейилади хабарда.

Эслатиб ўтамиз, 25 ёшли футболчи жорий мавсум Суперлигада 23 та ўйинда қатнашиб, иккита гол ва иккита голли узатмани амалга оширди.