Tezkor! “Vulverxempton” Shomurodov masalasiga oydinlik kiritdi!

Evropa matbuoti Angliya premer-ligasi vakili “Vulverxempton” A Seriyada “Roma” sharafini himoya qilgan Eldor Shomurodovni qo‘lga kiritmoqchi ekani haqida ko‘p axborot tarqatyapti.

“Vulverxempton” media departamenti rahbari Maks Fittsjerald Shomurodov transferi bo‘yicha masalaga oydinlik kiritib o‘tdi.

- “Vulverxempton” Shomurodovga qiziqish bildirayotganini so‘rashyapti. Bu haqiqatga to‘g‘ri kelmaydigan xabar, - dedi  Maks Fittsjerald.

Italiyaning bir necha nufuzli nashrlari Angliya premer-ligasi vakili o‘zbek hujumchisiga og‘iz solayotgani haqida bir necha bor ma’lumot tarqatdi. Bundan tashqari, Shomurodovga A Seriyaning o‘zidan “Montsa”, “Sassuolo”, “Bolonya” va “Torino” jiddiy qiziqmoqda. Bu klublarning bari o‘zbek futbolchisini o‘z safiga qo‘shib olmoqchi ekanini tasdiqlagan.

Xususan, “Bolonya” Eldorni keyinchalik 9 million evroga xarid qilish majburiyati bilan bir yilga ijaraga olishga ko‘ndi. Bu klub vakillari endi futbolchining agentlari bilan muzokara o‘tkazib, legionerimizning roziligini olishi kerakligi aytilmoqda.

So‘nggi ma’lumotlarga qaraganda, “Sassuolo” ham Shomurodovni qo‘lga kiritish uchun jiddiy harakatlarni amalga oshirishga kirishgan. Bu klub vakillari “Torino” va “Bolonya”dan yaxshiroq taklif berishga intilyapti.

Shomurodovning “Vulverxempton” bo‘yicha pozitsiyasi aniq bo‘ldi!

Belotti kutib tur, Shomurodov ketvosin!