Тезкор хабар. Келишилган ўйинларда ишлаган яна бир ўзбекистонлик ҳакам футболдан четлатилди

ЎФА футбол фаолиятини назорат қилиш махсус инспекцияси Ўзбекистон Суперлига ва Про Лига учрашувларида коррупцион ҳолатлар, яъни бир қатор футбол ўйинларида учрашувга ёки унинг натижасига таъсир ўтказиш мақсадида келишувларда қатнашган футбол ҳакамлари ва келишилган ўйинларда қатнашган шахсларни аниқлаш бўйича саъй-ҳаракатларни давом эттирмоқда.

ЎФА Этика қўмитасининг навбатдаги йиғилишида ЎФА ҳаками Олим Тўйчибоев бўйича аниқланган ҳолатлар кўриб чиқилди. Бу ҳақда ЎФА веб-сайтида хабар берилди.

Қўмита томонидан Олим Тўйчибоев ЎФА интизом кодексининг 5.44. бандига асосан, бир қатор футбол учрашувларида учрашувга ёки унинг натижасига таъсир ўтказиш мақсадида келишувларда қатнашгани учун 1 (бир) йил муддатга футбол билан боғлиқ ҳар қандай фаолиятдан четлаштириш хусусидаги қарор қабул қилинди.

Юқоридаги аниқланган ҳолатларда “Динамо” ПФК вакилларининг иштироки ҳам аниқланиб, уларга нисбатан тегишли жазо чоралари қўлланилди.

Шунингдек, мазкур йиғилиш қарори билан, Бухоро вилояти 2-лига мусобақаси иштирокчиси “Олот Истиқлол” футболчиси Н.Хасанов “Бухоро-W” аёллар футбол клуби вакилларининг кўрсатмаларига асосан, уларни ҳақ эвазига тотализаторда иштирок этишга ундагани учун ЎФА интизом кодексининг 5.44., 5.53. ва 5.60. бандларига асосан бир йил муддатга футбол билан боғлиқ ҳар қандай фаолиятдан четлаштирилди.

Мазкур қарорлар ЎФА томонидан расмий тарзда эълон қилинган кундан бошлаб кучга киради.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
Алишер Собиров
12/02/2021 17:46
Уз ШАВКАТ НАСИБУЛАЕВНИ ХАМ ТЕКШИРИШ КЕРАК.САБАБ КУП..1.НИМАГА ВОДИЙ ДЕРБИСИДА ПОЙТАХТДА ШУНЧА ТАЖРИБАЛИ МУТАХАССИСЛАР ТУРГАНДА 2 УША БИТТА ИМКОНЯТНИ ЙУК КИЛИШГА ТУРГАН ХАКАМ.БУНИ КАСОФАТИСИГА БИР КАНЧА ЕШЛАР ЖАБИР КУРДИ БУНИ ИНТИЗОМ КУМИТАСИ ЧУКУРОК УРГАНМАДИ Е ХОХЛАМАДИ