Тим Цзю катта "наҳанг"ларни кўзламоқда...

WBO йўналиши бўйича биринчи ўрта вазн (69,9 кг)да жаҳон чемпиони Тим Цзю Кит Турман билан бўлажак жанг қанчалик муҳим эканлигини тушунтирди. Цзюнинг сўзларига кўра, ғалабадан кейин унинг олдида Теренс Кроуфорд ёки Эррол Спенс билан катта жанг ўтказиш имкониятлари очилади.

“Мен Кроуфорднинг имкониятларига юқори баҳо бераман. У ҳар ким билан жанг ўтказишга тайёр. Шунинг учун уни катта хавф деб биламан. Бироқ, мен уни мағлуб эта оламан, деб ўйлайман. Шунинг учун бўлажак жанг жуда муҳим", – деди Тим.

Эслатиб ўтамиз, Тим Цзю(24-0, 17 KO) навбатдаги жангини Кит Турман(30-1, 22 KO)га қарши ўтказади. Ушбу қарама-қаршилик 31 мартга ўтар кечаси Лас-Вегасда бўлиб ўтади.