Тимур Кападзе: "Бундай йирик ҳисобда ғалаба қозонамиз деб ўйламагандим"

“Сурхон” – “Олимпик” ўртасидаги ўйинда Тимур Кападзе жамоаси жавобсиз 5 та гол урган ҳолда ғалаба қозониб, кўпчиликни ҳайрон қолдирди. Аммо “Сурхон”да иккита четлатиш ҳам кузатилди ва бу натижага катта таъсир кўрсатди. Учрашувдан сўнг, “Олимпик” устози Кападзе Sports.uz мухбирига ўйин бўйича шундай деди:

“Албатта, ўйиндан аввал бундай йирик ҳисобда ғалаба қозонамиз деб ўйламагандим. Чунки “Сурхон” яхши жамоа. Қийин учрашув бўлиши аниқ эди.

Рақиб ўйинчилари четлатилмаганида ғалаба қозониш осон бўлмасди. Лекин бу ўйинда ғалаба қозонишимизга ишонардим. Негаки, йигитларимизни кучини ва имкониятини яхши биламан. Қолаверса, “Сурхон”нинг кучли ҳамда заиф жойларини ҳам билардик”.