Tojikistonda o‘zbek derbisi o‘tkaziladi

Tojikistonning Dushanbe shahrida Xalqaro tennis federatsiyasi tomonidan o‘smirlar o‘rtasida o‘tayotgan turnirning chorak finalchilari nomi aniqlanmoqda.

Qizlar o‘rtasidagi yakkalik bahslari ikkinchi davrasida Angelina Folts qozog‘itonlik Darya Elfimovani 7:6, 6:1 hisobida enggan bo‘lsa, Setora Normurodova rossiyalik Elizabeta Stronginani 6:2, 6:4 hisobida taslim qildi.

Shu tariqa chorak final bosqichiga yo‘l olgan Setora va Angelina navbatdagi bosqichga chiqish uchun o‘zaro raqobatlashadigan bo‘ldi.