Токио-2020. Баҳодир Жалолов кейинги босқичда. Бугун спортчиларимиз яна қандай натижалар қайд этишди?

Токио-2020 Олимпия ўйинларининг олтинчи кунида 5 нафар ҳамюртимиз иштирокидаги баҳслар гувоҳига айландик.

Академик эшкак эшиш: Шахбоз Холмурзаев/Собир Сафаралиев (С финал)

Дзюдо: Муҳаммадкарим Ҳуррамов

Бокс: Баҳодир Жалолов

Бокс: Турсуной Раҳимова

Бокс: Фанат Қаҳрамонов

Академик эшкак эшиш. Академик эшкак эшувчиларимиз Шахбоз Холмурзаев ва Собир Сафаралиев С финалда иштирок этди ва 6 жамоа ичида тўртинчи бўлиб маррага етиб келди ҳамда мусобақа билан хайрлашди.

photo_2021-07-29_08-58-53

Дзюдо. -100 кг вазн тоифасида курашаётган вакилимиз Муҳаммадкарим Хуррамовга дастлабки босқичда ирландиялик Бенжамин Флетчер рақиблик қилди. Беллашувда вакилимиз вазари баҳоси билан баҳс тақдирини ўз фойдасига ҳал этди. 

Кейинги босқчида Муҳаммадкарим япониялик Aарон Вольф билан тўқнаш келди ва мағлубиятга учраб, Олимпиада билан хайрлашди.

photo_2021-07-29_08-23-34

Бокс. -51 кг вазн тоифасида Турсуной Раҳимова туркиялик Бусе Наз ўртасидаги ажойиб беллашув шоҳидига айландик. Дастлабки раундда ғалаба қозонган ҳамюртимиз якунда 3:2 ҳисобида имкониятни бой берди. Ушбу мағлубиятдан сўнг Турсуной Раҳимова ҳам Олимпиадани тарк этди.

photo_2021-07-29_09-02-01

-75 кг вазнда юртимиз шарафини ҳимоя қилаётган Фанат Қаҳрамонов қозоғистонлик Аманқул Абилхан билан куч синашди. Қаҳрамонов ҳам илк раундни ўз ҳисобига ёздириб қўйишига қарамай, якунда ҳакамларнинг қарорига кўра 5:0 ҳисобида қўшни давлат вакилига имкониятни бой берди. Қозоғистонлик спортчи ришини давом эттирадиган бўлди.

photo_2021-07-26_15-10-54

+91 кг вазн тоифасидаги Баҳодир Жалолов нимчорак финалда озарбайжонлик Маҳаммад Абдуллаев билан жанг ўтказди. Жалолов баҳсда яққол устунлик қилди - 5:0. Вакилимиз чорак финалга йўл олди.  Баҳодир энди навбатдаги босқичда ҳиндистонлик Сатиш Кумарга қарши баҳс юритади.

photo_2021-07-29_08-36-49

Шу билан спортчиларимизнинг бугунги чиқишлари якунланди. 5 вакилимиздан 4 таси Олимпиада билан хайрлашди, Баҳодир Жалолов эса кейинги босқичга йўл олди.

Эртага 30 июль куни 5 нафар ўзбекистонлик спортчи Олимпиадада иштирок этади.

Қуйида ушбу спортчилар рўйхати билан танишиб олишингиз мумкин:

1.Бобоусмон Батуров (бокс, эркаклар -69 кг) – 08:36

2.Бекмурод Олтибоев (дзюдо, эркаклар -100 кг) –

3.Райхона Қодирова (бокс, аёллар, -60 кг)  13:15

4.Роксана Худоярова (уч хатлаб сакраш, аёллар, саралаш) – 15:05

5.Наталья Критинина (сузиш, аёллар, 50 м эркин усулда) – 15:34

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию