Токио-2020. Спортчиларимиз иштирокидаги иккинчи кунги баҳслар якунланди

Бугун, 25 июль куни 11 нафар ҳамюртимиз Токио-2020 ёзги Олимпия ўйинларидаги иштирокини ўтказди. Эътиборлиси, бугун таэквондочимиз Улуғбек Рашитов олтин медалга сазовор бўлди. Айтиш керакки, у Ўзбекистон таэквондоси тарихида янги саҳифа очди. Айнан Рашитов Олимпия ўйинларида медалга сазовор бўлган илк ўзбекистонлик таэквондочига айланди.

Ҳозирда Ўзбекистон делегацияси 1 та олтин билан умумжамоа ҳисобида 11-ўринда бормоқда.

18:01. Оғир атлетика. Ҳамюртимиз Адҳамжон Эргашев 67 кг вазн тоифасида эркаклар ўртасида баҳсларда иштирок этди. Ўзбекистон вакили даст кўтариш ва силтаб кўтариш натижаларига кўра 312 кг тошни ўзига бўйсундирди. Афсуски, бу натижа спортчимизга медаллар учун камлик қилди. Эргашев 6-ўринни эгаллади.

Шу тариқа Улуғбек Ўзбекистон делегациясининг Токио-2020 даги илк медалини қўлга киритди.

18:00. Таэквондо. Ҳозиргина ҳамюртимиз Улуғбек Рашидов иштирокидаги финал жанги ўз ниҳоясига етди. 19 ёшли спортчимиз британиялик тажрибали Брэдли Синденни мағлубиятга учратди ва олтин медалга сазовор бўлди.

17:06. Бокс. Ҳозиргина эркаклар ўртасида -81 кг вазн тоифасида бокс бўйича 1/16 финал жангги ўз ниҳоясига етди. Эътиборлиси, ушбу вазн тоифасида юртимиз шарафини ҳимоя қилаётган Дилшод Рўзметов ирландиялик рақиби Эммет Бреннанни 5:0 ҳисобида енгди ва навбатдаги босқичга йўл олди.

16:18. Оғир атлетика. Ҳамюртимиз Адҳам Эргашев 67 кг вазн тоифасида эркаклар ўртасида даст кўтариш баҳсларида иштирок этди. Ўзбекистон вакили ушбу йўналишда 139 кг тошни ўзига бўйсундирди ва 7-ўринни эгаллади.

Бутун арена афсонавий Чусовитинани қарсаклар остида кузатиб қўйди.

14:57. Гимнастика. Афсонавий спортчимиз Оксана Чусовитина аёллар ўртасида саралаш баҳсидаги иштирокини якунлади. Афсуски Чуса ҳакамлар томонидан 14.166 баллга лойиқ кўрилди ва бу унга 11-ўринни келтирди.

Энди ҳамюртимиз навбатдаги босқичда қўшни тожикистонлик Боходир Усмоновга қарши рингга чиқади.

14:35. Бокс. -63 кг вазн тоифасида 1/16 босқичда иштирок этган ҳамюртимиз Элнур Абдураимов моғулистонлик Баатарсухийн Чинзоригга қарши рингга кўтарилди. Қийин ўтган баҳсда ҳамюртимизнинг қўли баланд келди. Элнур шу тариқа 1/8 финал йўлланмасини қўлга киритди.

13:20. Велоспорт. Ўзбекистон шарафини ҳимоя қилаётган велоспортчи Ольга Забелинская 137 км масофани 3 соат 54 дақиқа 31 сонияда босиб ўтди. Бу эса унга 9-ўринни олиб келди. Афсуски Ольга медалларга даъвогарлик қила олмади.

Ғалаба!!! Улуғбек финалга чиқди. Ҳамюртимизга ҳал қилувчи жангда британиялик Брэдли Синден рақиблик қилади.

13:00. Таэквондо. Ўзбекистонлик спортчи Улуғбек Рашитовнинг ярим финал жанги бошланди. Ҳамюртимиз 1-раунддан сўнг Босния ва Герцеговина терма жамоаси аъзоси Неджат Хусични 14:1 ҳисобида мағлубиятга учратмоқда.

11:35. Таэквондо. Ҳамюртимиз Улуғбек Рашитов чорак финал баҳсини якунлади. У бу босқичда эронлик Мархашем Хусайнига қарши кураш олиб борди ва муҳим ғалабани қўлга киритди.

Улуғбек рақибини 33:22 ҳисобида мағлубиятга учратди. Унинг кейинги рақиби Босния ва Герцеговина терма жамоаси аъзоси Неджат Хусич бўлади.

09:00. Велоспорт. Токио-2020 Олимпия ўйинлари доирасида велоспортчимиз Ольга Забелинская ҳам ўз иштирокини бошлади. Велоспортчимиз шоссенинг гуруҳ пойгаси дастурида 137 км масофани босиб ўтади.

08:27. Таэквондо. -68 кг вазн тоифасида баҳсларда иштирок этаётган ҳамюртимиз Улуғбек Рашитов 1/8 финалда Жанубий Корея вакили Ли Дэ Хунга қарши доянга чиқди. Муросасиз кечган курашда ҳамюртимиз 21:19 ҳисобида 3 карра жаҳон чемпиони ҳисобланган тажрибали рақиби устидан ғалаба қозонди.

07:46. Дзюдо. Аёллар ўртасида -52 кг вазн тоифасида татамига чиққан ҳамюртимиз Диёра Келдиёрова 1/16 босқичда мўғулистонлик Сосорбарам Лхагвасурэнга имкониятни бой берди ва мусобақа билан хайрлашди.

07:31. Дзюдо. Ҳамюртимиз Сардор Нуриллаев 1/16 босқичда молдовалик Денис Виеруга қарши татамига чиқди. Афсуски бу дзюдочимиз ҳам имкониятни бой берди.

07:19. Бокс. Токио-2020 Олимпиадасининг иккинчи кун дастурида бокс баҳсларига ҳам старт берилди. Куннинг биринчи жанги ҳамюртимиз Турсуной Раҳимова иштирокида кечди.

-51 кг вазн тоифасида рингга кўтарилган вакилимиз польшалик Сандра Драбикка қарши баҳс олиб борди. Қизиқарли кечган баҳсда чиройли жанг ўтказган Раҳимова рақибаси устидан иродали ғалабага эришди.

Шу тариқа ҳамюртимиз Олимпия ўйинларида ғалабага эришган илк боксчи сифатида тарихга кирмоқда. Унинг кейинги босқичдаги рақибаси туркиялик Бусе Наз Чакироўғлу бўлади.

07:01. Академик эшкак эшиш. Шаҳбоз Холмирзаев ва Собир Сафаралиев. Енгил қайиқдаги жуфтлик баҳсларида иштирок этаётган вакилларимиз ушбу босқичда ҳам тўртинчи натижани қайд этишди. Эндиликда улар 13-18 ўринлар учун курашни давом эттиришади.

06:30. Таэквондо. Бироз аввал таэквондо бўйича навбатдаги беллашувларга ҳам старт берилди. Унда ҳамюртимиз Улуғбек Рашитов (-68 кг) ўзбекистонлик спортчиларнинг Токио-2020 Олимпия ўйинларидаги узоқ кутилган ғалабасига муаллифлик қилди.

Дастлабки саралаш босқичида ҳамюртимизга малилик Сейду Мофана рақиблик қилди. Муросасиз кечган жангда вакилимиз 38:17 ҳисобида ғалаба қозониб, чорак финалга йўл олди. Ҳамюртимиз ярим финал йўлланмаси учун 3 карра жаҳон чемпиони, Олимпия ўйинларининг 2 карра совриндори жанубий кореялик Ли Дэ Хунга қарши даянга чиқади. Бўлажак баҳсда ҳам юртдошимизга омад тилаб қоламиз.

1.Шаҳбоз Ҳолмирзаев, Собиржон Сафаралиев (эшкак эшиш, жуфтлик) – 06:10

2.Улуғбек Рашитов (таэквондо, эркаклар – 68 кг) – 06:14

3.Турсуной Раҳимова (бокс, аёллар – 51 кг) – 07:00

4.Сардор Нуриллаев (дзюдо, эркаклар – 66 кг) – 07:00

5.Диёра Келдиёрова (дзюдо, аёллар – 52 кг) – 07:00

6.Ольга Забелинская (велоспорт, аёллар 137 км) – 09:00

7.Оксана Чусоватина (гимнастика, аёллар саралаш) – 13:05

8.Элнур Абдураимов (бокс, эркаклар – 63 кг) – 14:18

9.Адҳам Эргашев (оғир атлетика, эркаклар 67 кг) – 15:50

10.Дилшод Рўзметов (бокс, эркаклар – 81 кг) – 16:42