Токио Олимпиадасига йўлланма олган спортчиларимиз сони 2 тага етди

Бугун Тошкентда давом этаётган велошоссе бўйича Осиё чемпионати доирасида навбатдаги беллашув бўлиб ўтди. Унда аёллар 112.8 километр масофага кечган пойгада ўзаро баҳс олиб боришди.

Мазкур йўналиш ғолибга қитъа чемпоинлиги билан бирга Токио Олимпиадасининг ҳам йўлланмасини бериши кўпчиликнинг диққат-эътиборини тортди. Қувонарлиси, пойга ҳамюртимиз Ольга Забелинскаянинг ғалабаси билан якунланди ва шу билан бирга терма жамоамиз аъзоси Олимпиада йўлланмасига эга чиқди. Юртдошимиз масофани 3 соат, 9 дақиқаю 5 сонияда босиб ўтди.

Велошоссе бўйича ОЧ. 
Аёллар, 112.8 км.
1. Ольга Забелинская (Ўзбекистон)
2. Ахреум На (Ж.Корея)
3. Сомаех Йлаздани (Эрон)

Маълумот учун, теннисчимиз Денис Истомин Осиё ўйинларидаги ғалабасидан кейин терма жамоамиз вакиллари орасида биринчи бўлиб Токио Олимпиадасига йўлланма олган эди. Бу борада Ольга Забелинская иккинчи бўлди. Бу ҳақида МОҚ хабар бермоқда.