Том Аспинэлл: "UFC жангдан кейин Ган билан юзма-юз дуэльда қатнашишимни хоҳламади!"

Том Аспинэлл: "UFC жангдан кейин Ган билан юзма-юз дуэльда қатнашишимни хоҳламади!"
Оғир вазнда умидли жангчилардан бири, британиялик Том Аспинэлл (13-3) ўтган дам олиш кунлари Париж шаҳри мезбонлик қилган UFC Paris: Gane vs. Spivac турнирида меҳмон сифатида аренада бўлган. Томнинг маълум қилишича, у ушбу турнир мэйнивентида ғалаба қозонган француз жангчиси Сирил Ганга (12-2) қарши жангдан сўнг юзма-юз дуэлда иштирок этмоқчи ва келгусида жанг қилишни келишиб олмоқчи бўлган. Аммо, ташкилотга бу вариант ёқмаган:
"Ган мен билан жанг қилишни хоҳламасаё мен уни мажбурламайман. Шунчаки, ғалабадан кейин у билан ўзаро жанг учун келишиб олмоқчи эдим. UFC буни хоҳламади. Мабодо, Сирил учун жанг керак бўлса, у қаердалигимни билади. Мен бу вазндаги ҳар қандай жангчи учун ноқулай жангчиман. Лекин, Ган мен билан жанг вариантини қўллаб-қувватламаса, бошқа рақибга қарши ҳам жанг қилавераман. Ҳа, бу услубан мухлислар мазза қилиб томоша қиладиган жанг бўлади. Аммо, жангни фақат бир жангчи амалга ошишини хоҳлай олмайди. Икки тараф ҳам бунга якдил қарор қилиши керак!"