Томас Мюллер Англия терма жамоасини қаттиқ танқид қилди

«Бавария» ва Германия терма жамоасининг собиқ ҳужумчиси Томас Мюллер Англия терма жамоасининг Жаҳон чемпионати ярим финалида Аргентинага қарши учрашувдаги мағлубияти юзасидан фикр билдирди. 

Мюллернинг таъкидлашича, Англия жамоасининг гол урганидан кейинги ўйини унга мутлақо тушунарсиз бўлган.

«Бунга ишона олмаяпман ва тушуна олмаяпман – Англия гол ургандан кейин қандай ўйнай бошлади? Қандай қилиб улар Аргентинага қайта-қайта қанотдан узатмалар қилишга йўл қўйишди? Ҳар гал жуда қулай вазиятда тўп ошириш имконини бериб қўйишди. Буни ақлимга сиғдира олмаяпман!» – деди Мюллер.

Эслатиб ўтамиз, 3-ўрин учун баҳсда Англия терма жамоаси Францияга қарши майдонга тушади. Аргентина эса ЖЧ–2026 финалида Испанияга қарши ўйнайди.