Топ-лигалардан таклифларни кут! Беҳруз Каримов европаликларни қандай ҳайратга солди?

Машҳур венгриялик спорт журналисти ва футбол таҳлилчиси Бенце Бочак жаҳон чемпионатида иштирок этаётган Ўзбекистон миллий терма жамоаси ҳимоячиси Бехруз Каримовнинг ўйинини юқори баҳолади.

Мутахассиснинг таъкидлашича, мусобақа бошида Ўзбекистон термаси икки бор мағлубиятга учраганига қарамай, 18 ёшли футболчининг ўйини унда катта таассурот қолдирган.

- Тан олишим керак, жаҳон чемпионатида Ўзбекистон икки марта ютқазганига қарамасдан, 18 ёшли Бехруз Каримов мени жуда ҳайратга солди. У ўнг қанот ҳимоячиси сифатида ҳам, уч ҳимоячи билан ўйнаганда марказда ҳам ҳаракат қила оладиган футболчи. Жуда техникаси кучли, жисмонан бақувват, зарбалари залворли ва тўп билан муомалада хотиржам.

Мундиалдаги дастлабки икки учрашувида  Беҳруз дунёдаги энг яхши формадаги вингерлардан бири Луис Диас ҳамда жаҳон футболидаги энг кучли чап қанот ҳимоячиларидан ҳисобланган Нуну Мендешга қарши ўйнашига тўғри келди ва у ўз вазифасини жуда муносиб бажарди.

Унинг ҳисобида тўпни 15 марта қайтариб олиш, ердаги 34 та курашда иштирок этиш ва ҳар икки ўйинда ҳам ўзбек футболчилари орасида энг кўп – олти марта муваффақиятли дриблинг амалга ошириш каби статистик кўрсаткичлар бор. 

Бу жуда қизиқ профилга эга футболчи. Ўйлайманки, кўплаб клублар унга аллақачон эътибор қаратган. Уни нисбатан кам маблағ эвазига трансфер қилиш мумкин, — деб ёзди Бенце Бочак.

Жаҳон чемпионатида Каримов Ўзбекистон терма жамоасининг ҳар икки учрашувини деярли тўлиқ ўтказди: Колумбияга қарши баҳсда майдонда охиригача ўйнади ва дарвоза тўсинига тегиб қайтган супер зарба билан эсда қолди, Португалияга қарши учрашувда эса фақат 89-дақиқада алмаштирилди.

Эслатиб ўтамиз, Ўзбекистон терма жамоаси Колумбияга (1:3) ва Португалияга (0:5) мағлуб бўлди. Шунга қарамай, ёш ҳимоячининг ўйини халқаро таҳлилчилар ва скаутлар эътиборини ўзига тортди.

Эксперт: Роналду ўзидан кетди, ўзбеклар уни аяди, испан ёки немислар бўлганида оёғини узиб оларди!

Эссиз, Ҳусановнинг кўз ёшлари: Ўзбекистон муваффақиятсизлигининг учта катта сабаб очилди

Беҳруз Каримов Роналду билан бирга мундиал рекордчиси бўлди

Роналду Ўзбекистон билан ўйиндаги "даҳшатли" рекордга қандай муносабат билдирди

Ўзбекистон футболчилари ўйини қандай баллга лойиқ кўрилди?

Шомуродов аламли мағлубиятдан кейин мурожаат йўллади

Ҳусанов ва яна тўрттаси! Ўзбекистон мағлубиятига айбдорлар номи айтилди

Ҳусанов: Юрагим жуда тез ура бошлади! Абдуқодир мундиал ҳақида ўткир гапирди