“Тўпчилар”нинг “ўқи” қолмади: 100 йилда ҳам бунақа бўлмаган эди

“Арсенал” бу мавсум ҳам Англия Премьер-лигаси чемпионлигига эриша олмади. Микель Артете аввалги йилларда устози Хосеп Гвардиола жамоасига қаршилик кўрсатолмаган бўлса, бу гал Арне Слот дебют мавсумидаёқ “Ливерпуль”ни чемпион қилди.

Статистика мутахассислари “канонирлар”нинг камёб кўрсаткичига эътибор қаратди. Гап шундаки, бу мавсум “тўпчилар”дан ҳеч бири тўпурарлик маҳоратини намойиш қила олмади.

Микель Артета мавсум давомида 26 нафар футболчи хизматидан фойдаланди. Шулардан 17 нафари ўз ҳисобига гол ёзиб қўйишга эришди. Жамоа тўпурарлари сифатида тўққиўтадан тўп киритган Кай Хаверц ва Леандро Троссарни эътироф этиш мумкин.

Манбага кўра, “Арсенал” тарихида футболчиларнинг ўнтадан кам гол уриши бундан 101 йил муқаддам – 1923-1924 йилги мавсумда қайд этилган экан.