Тўпурарнинг бозори қайнаяпти
Пеп фикридан қайтмайди!
“Манчестер Сити” раҳбарияти клуб тарихидаги энг зўр тўпурар Серхио Агуэрога янги битим таклиф қилмади. Бош мураббий Хосеп Гвардиола айни пайтда аргентиналик ҳужумчи ўрнига кўп гол урадиган бошқа ўйинчи излаяпти.
Шунга қарамай, Серхио Агуэрони ўз сафида кўрмоқчи бўлган гранд клублар сафи кенгайиб бормоқда. Энди ПСЖ бош мураббийи Маурисио Почеттино ҳам ўз ҳамюртини Парижга чақиртирмоқда.
Айни пайтда ПСЖ мутасаддилари Агуэрога маъқул келадиган шахсий шартнома устида иш олиб бормоқда. Ҳужжат тайёр бўлиши билан 32 ёшли футболчига тақдим этилади.
Мавсум якунланиши билан “Манчестер Сити”дан кетишини расман маълум қилган Агуэрога “Барселона”, “Интер” ва “Ювентус”дан ҳам жиддий қизиқиш бор.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар