"Tottenxem" 50 million evroga futbolchi xarid qiladi

"Inter" klubi va Italiya terma jamoasi yarim himoyachisi Alessandro Bastoni Angliya Premer-ligasiga o‘tishi mumkin, deya xabar berdi "Inter Live".

Manbaga ko‘ra, 23 yoshli futbolchiga "Tottenxem" qiziqmoqda. Ingliz klubi rahbariyati Alessandroning transferi uchun taxminan 50 million evro to‘lashga tayyor.

Baston milanliklar safida 2017 yilning avgustidan buyon to‘p tepadi. Uning shartnomasi 2024 yilning yoziga qadar mo‘ljallangan va transfer narxi 60 million evroni tashkil qiladi.

Ma’lumot o‘rnida, yarim himoyachi joriy mavsum A Seriyada sakkizta o‘yin o‘tkazdi.