“Tottenxem” bir urinishda “Chelsi” va Ryudiger muzokarasini to‘xtatib qo‘ydi

Germaniyalik  jurnalist Maks Bilefeld mashhur himoyachi Antonio Ryudiger va “Chelsi” o‘rtasida yangi shartnoma bo‘yicha muzokaralar to‘xtab qolgani haqida xabar tarqatmoqda.

Ma’lum bo‘lishicha, bundan vaziyat yuzaga kelishiga “Tottenxem”ning taklifi sabab bo‘lgan. Antonio Konte jamoasi Ryudigerga qiziqayotgan to‘rt klub orasida eng manfaatli bitim taklif qilgan.

Shundan so‘ng, germaniyalik futbolchi “aristokratlar” shartnomasini qabul qilishga ikkilanib qolgan va muzokaralarni to‘xtatgan. Mavsum oxirida erkin agentga aylanadigan himoyachi hali bir qarorga kelishga tayyor emasligini ta’kidlayapti.

Ryudigerga og‘iz solayotgan jamoalar orasida “Bavariya”ning ham imkoniyatlari yuqori baholanmoqda.