"Тоттенхэм" бу тоифа клубларга Кейнни сотмайди

"Тоттенхем" Харри Кейнни "Манчестер Юнайтед"га ўтишига рухсат бермайди.

"Evening Standart" хабарига кўра, "Манчестер Юнайтед" трансфер ойнаси бошида Кейн бўйича таклиф билан чиқиш ниятида, аммо "Тоттенхем" суммадан қатъи назар, уни рад этади. Клуб президенти Даниел Леви ҳужумчини Премьер-лига клубига қўйиб юборишни истамаяпти.

Қайд этилишича, “Тоттенхем” Кейнни сақлаб қолмоқчи, бироқ хориждан таклифларни тинглашга тайёр. Аввалроқ, ҳужумчига мадридликлар қизиқиш билдираётгани ҳақида маълумотлар пайдо бўлганди - "қаймоқранглилар" Карим Бензема кетган тақдирда Кейн билан шартнома имзолашга ҳаракат қилади.