"Тоттенхэм" футболчилари Почеттинони ресторанга таклиф қилишди

"Тоттенхэм" клуби футболчилари жамоа бош мураббийи Маурисио Почеттинони Лондондаги қиммат ресторанлардан бири ҳисобланган Mayfair ресторанига таклиф қилишди. Бу ҳақда The Sun нашри хабар тарқатмоқда.

Юқоридаги манбаага кўра Харри Кейн, Сон Хин Мин, Эрик Ламела ва Кристиан Эриксен каби футболчилар аргентиналик футболчига хат ёзишган ва уни АПЛ юлдузларининг севимли жойига айланган Mayfair ресторанига таклиф қилишган. У ерда футболчилар Почеттинони меҳмон қилишган ва унга ўз қўллаб-қувватлашларини билдиришган.

Маълумот учун, “Тоттенхэм” АПЛнинг ўтган 9 та туридан сўнг 12 очко билан 7-ўринда бормоқда. Чемпионлар лигасида эса “шпорлар” ўз гуруҳларида 2-ўринда боришмоқда.