"Тоттенхэм" Лукас Моура билан шартномани узайтирди

Лондоннинг "Тоттенхэм" клуби ўзининг ҳужумкор ярим ҳимоячиси Лукас Моура билан шартномани узайтирди. Бу ҳақда клуб расмий сайти хабар тарқатмоқда.

Юқоридаги манбаага кўра 26 ёшли бразилиялик футболчи “шпорлар” билан 2024 йилга қадар шартнома имзолади. Унинг трансфер нархи эса 40 млн еврога баҳоланмоқда.

Маълумот учун, Моура “Тоттенхэм” сафига 2018 йилнинг январида ПСЖдан кўчиб ўтган эди. Ўтган давр мобайнида жами 60та ўйинда майдонга тушди ва 16та гол ҳамда 6та голли узатма ёздириб қўйишга эришди.