"Тоттенхэм" Орьени сотмоқчи

Лондоннинг “Тоттенхэм” клуби ҳимоячиси Серж Орье мавсумлар оралиғида жамоасини ўзгартириши мумкин.

France Football нашри тарқатган хабарга кўра “шпорлар” 26 ёшли футболчини ёзда трансферга қўйишни режалаштиришган. Айтиш лозимки Орьенинг лондонликлар билан амалдаги шартномаси 2022 йилга қадар имзоланган.

Маълумот учун, “Тоттенхэм” Орьени 2017 йил ПСЖдан 25 млн еврога сотиб олган эди. У жорий мавсум 19та ўйинда майдонга тушди.