"Тоттенхэм" "Реал" хавбеки билан музокаралар ўтказмоқда

Мадриднинг "Реал" клуби ярим ҳимоячиси Дани Себальос Англия премьер-лигасига кўчиб ўтишга жуда яқин турибди.

22 ёшли футболчига Лондоннинг "Тоттенхэм" клуби жиддий қизиқиб қолган. Footballinsider тарқатган хабарга кўра "шпорлар" аллақачон Себальос билан музокараларни бошлаб юборган. У “Тоттенхэм” сафидан кетиши айтилаётган Кристиан Эриксеннинг ўрнини эгаллайди.

Эслатиб ўтамиз, Эриксен эса ўз навбатида “Реал”га йўл олиши мумкин.

Маълумот учун, Себальоснинг “қироллик клуби” билан амалдаги шартномаси 2023 йилга қадар имзоланган. Унинг трансфери эса 20 млн еврога баҳоланмоқда.