Ads

Мадриднинг “Реал” клуби ҳамон “Тоттенхэм” ярим ҳимоячиси Кристиан Эриксенни сотиб олиш фикридан қайтмаяпти.

AS нашри тарқатган хабарга кўра “қироллик клуби” яна бир йилдан сўнг шартномаси якунланадиган 27 ёшли даниялик футболчи учун “шпорлар”га кўпи билан 70 млн евро бермоқчи. Улар Эриксенни Лука Модричга муносиб ўринбосар сифатида қарашмоқда.

“Реал” президенти Флорентино Перес ўтган жума куни Мадридда Чемпионлар лигаси финали олдидан ташкил этилган байрамона кечки овқат пайтида “Тоттенхэм” президенти Дэниэл Леви билан учрашган. Бироқ, улар суҳбат давомида Эриксеннинг трансфери ҳақида гаплашишганми ёки йўқлиги маълум эмас.