"Tottenxem" tarixidagi eng yaxshi to‘purar vafot etdi

Angliya terma jamoasi matbuot xizmati mashhur futbolchi Jimmi Grivz 81 yoshida vafot etganini e’lon qildi.

Grivz futbolchilik faoliyati davomida "Chelsi" va "Tottenxem" klublarida o‘ynagan. "Aristokratlar" tarkibida 1957 – 1961 yillarda jami 157 ta o‘yinda ishtirok etib, raqib darvozasiga 124 ta gol urishga muvaffaq bo‘lgan. "Shporlar" libosida esa 1961 – 1970 yillarda harakat qilgan. Aynan u "Tottenxem" tarixidagi eng yaxshi to‘purar hisoblanadi.

Bundan tashqari u Angliya terma jamoasi safida jahon chempionligini ham qo‘lga kiritgan. U milliy jamoa safida 57 ta o‘yin o‘tkazib, o‘z hisobiga 44 ta gol yozdirib qo‘ygan.