"Тоттенхэм" ва "Интер" даниялик ярим ҳимоячи учун курашади

"Тоттенхэм" клуби Италия чемпионатида тўп тепувчи футболчига қизиқиш билдирмоқда. Бу ҳақда "La Repubblica" нашри хабар берди

Манба маълумотларига кўра, "шпорлар" Римнинг "Лацио" жамоасининг ҳужумкор ярим ҳимоячиси Густав Исаксенни ўз сафига қўшиб олмоқчи. Инглиз клуби бу футболчи учун Миланнинг "Интер" жамоаси билан рақобатлашмоқчи.

"Тоттенхэм" раҳбарияти хавбек учун Рим клуби талаб қиладиган 40 миллион еврони тўлашга тайёр.

Маълумот учун, даниялик футболчи 2023 йилда "Мидтьюллан"дан "Лацио"га ўтган эди. Исаксен жорий мавсумда Рим жамоаси таркибида 39 та ўйинда иштирок этиб, бешта гол урди ва бешта голли узатмани амалга оширди.