“Тоттенхэм” янги мураббий топиб қўйди

“Тоттенхэм” италиялик мураббий Антонио Контени истеъфога чиқарганидан кейин ёзда жамоани қабул қиладиган янги бош мураббий топиб қўйди.

Жорий мавсум охиригача “Тоттенхэм” Кристан Стеллини қўл остида ўйнайди. Клуб раҳбарияти бош мураббий масаласида шошилмасликни маъқул кўрган.

Todofichajes нашри маълумотларига кўра, лондонликлар Венсан Компани билан келишиб қўйган ва бельгиялик мутахассис келаси мавсум олдидан жамоани қабул қилиб олади.

Айни пайтда 36 ёшли Венсан Компани Чемпионшипда “Бёрнли” жамоасини бошқармоқда. Унинг шогирдлари мусобақа жадвалида биринчи ўринда бормоқда ва келаси мавсум Премьер-лигага чиқишга яқин турибди.