"Тоттенхэм" Зе Луиш трансферидан воз кечди

"Порту" ва Кабо-Верде терма жамоаси ҳужумчиси Зе Луиш Лондоннинг "Тоттенхэм" клубига ўтмайдиган бўлди.

Лондонликлар футболчини сотиб олиш ҳуқуқи билан ижарага олиш истагида эди, бироқ унинг трансферини расмийлаштириш учун клуб АПЛда ишлаш учун рухсат олиши керак бўлди. Аммо Зе Луиш чемпионат талабларининг биронтасига жавоб бермади.

Натижада эса "шпорлар" форварднинг трансферидан воз кечди, дея хабар бермоқда Daily Mail. Манбага кўра, "Тоттенхэм" Англия футбол ассоциацияси махсус комиссиясига апелляция бериш имконияти бўлган эди, бироқ "шпорлар" ушбу трансфердан воз кечди.