"Трабзонспор" Салоҳ билан шартнома имзолаганини расман эълон қилди

Миср терма жамоаси ҳужумчиси Муҳаммад Салоҳ энди фаолиятини Туркия чемпионатида давом эттиради.

«Трабзонспор» клуби ўзининг расмий саҳифалари орқали 34 ёшли футболчи билан меҳнат шартномаси имзоланганини маълум қилди. Томонлар икки мавсумга мўлжалланган келишувга эришган.

Маълумки, Салоҳ узоқ йиллар давомида «Ливерпуль» шарафини ҳимоя қилди. У ўтган мавсумда жамоа таркибида 41 та ўйинда майдонга тушиб, 12 та гол урди ва жамоадошларига 10 та голли пас йўллади. Мавсум якунлангач, у эркин агент мақомини қўлга киритди.

Шунингдек, шу ёзда Салах Миср терма жамоаси билан 2026 йилги жаҳон чемпионати мусобақасида иштирок этди. Унинг жамоаси мундиалнинг 1/8 финалигача етиб борди.