Трансфер ойнаси бўйича муҳим қарор эълон қилинди

Германия футбол федерацияси (DFL) ёзги трансфер ойнасини 5-октябргача давом этиши ҳақида қарор қабул қилди.

Дастлаб, 1 июль куни трансфер ойнаси қисқа муддатга очилади ва клублар бу вақтгача келишувга эришган шартномаларини расмийлаштириб олади.

Иккинчи босқич эса 15 июлдан 5 октябргача давом этади. 6 октябрь куни эса Чемпионлар лигаси учун футболчиларни рўйхатга ўтказиш учун сўнгги муддат ҳисобланади.

Шунингдек, ФИФА миллий биринчилик ташкилотчиларига трансфер ойнасини кенгайтириш бўйича тавсиялар бермоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)